Breyting á Fréttatíma krossgátunni

Eins og þau ykkar sem fylgist með Fréttatíma krossgátunni hafið væntanlega tekið eftir síðustu helgi kemur Fréttatíminn núna líka út á laugardögum og færist krossgátan yfir á laugardaginn og stækkar um tvær línur á hæðina. Vonandi er þessi stækkun á gátunni fólki til ánægju, því gátan hefur notið vinsælda og óskandi að því stærri sem hún er, því skemmtilegra.

Eftir sem áður munum við setja inn gátu síðustu viku ásamt lausn hennar inn á þennan vef á fimmtudögum eins og hingað til. Svo að ekki breytist allt við þessa breytingu á útgáfu Fréttatímans.

Í staðin er komin minni krossgáta með Bandarísku sniði á föstudögum, ásamt fjölskyldu spurningagátu. Svona fjölskyldugátur eru nýjung hér á landi en njóta mikilla vinsælda víða erlendis og vonum við að svo verði einnig hér. Gátunni er ætlað að vera til skemmtunar þar sem öll fjölskyldan getur sameinast um að leysa hana, enda spurningarnar sniðnar að þekkingu fólks á ýmsum aldri og með mismunandi þekkingu og áhugamál.