logo-1

19.07.17 Sumarfrí og ný verkefni
Ég hef ekki haft tíma til þess að semja nýjar krossgátur fyrir þennan vef í nokkurn tíma. Bæði komu upp í hendur mér ný verkefni og svo stóðst ég ekki mátið og fór í smá sumarfrí :) Óvíst með framhaldið en það verður bara að koma í ljós þegar ég hef lokið við þessi nýju verkefni.

09.06.17 Ný helgarkrossgáta með kaffinu
Búin að setja inn lausn á síðustu Fréttatíma Helgarkrossgátu með kaffinu og nýja gátu.

02.06.17 Helgarkrossgátan komin á vefinn
Lausn á síðustu Fréttatíma Helgarkrossgátu með kaffinu og ný gáta komin á vefinn.
.................................................................................................................

Nýjar Fréttatíma helgarkrossgátur með kaffinu
Fréttatíminn hefur ekki komið út undanfarið svo eðlilega hafa engar krossgátur frá mér verið birtar þar. En ég hef ekki hætt að semja þær.

Í anda þessa vefs að birta vikulega ókeypis krossgátu sem fólki er frjálst að prenta út sér að kostnaðarlausu, hef ég ákveðið að halda áfram að semja Fréttatíma krossgátuna. En til aðgreiningar frá þeim gátum sem þegar hafa birst í blaðinu í gegnum árin munu þær heita „Nýjar Fréttatíma helgarkrossgátur með kaffinu“. Þar set ég inn eina krossgátu í viku hverri og lausn hennar viku seinna ásamt nýrri gátu. Þar sem þessi vefur hefur vanalega verið uppfærður á fimmtudögum set ég þessar nýju krossgötur inn á vefinn á þeim vikudegi.

Þetta fyrirkomulag mun ég viðhafa uns skýrist hvort Fréttatíminn mun aftur hefja göngu sína og þá með krossgátu frá mér eða hvort gátan flyst eitthvert annað. Þangað til vona ég að fólki líki þetta nýja fyrirkomulag og njóti þessara nýju krossgáta.

Gleðilegt krossgátusumar.

.................................................................................................................

Að gefnu tilefni
Við erum oft spurð að því hvort við tökum að okkur kross- og myndagátusmíði sem og sudoku, barnagátur og fleiri tegundir gáta, fyrir aðra en þá sem eru á þessum vef og svarið er já. Við höfum samið kross- og annarskonar gátur fyrir ýmis blöð, tímarit og félagasamtök sem dæmi og erum alltaf tilbúin að semja gátur fyrir fólk. Áhugasamir geta haft samband með tölvupósti vefsins: krossgatur (hjá) this.is.
.................................................................................................................

Að „svindla“ :)
Benda má á að búið er að búa til íslenskan vef til að „svindla“ og auðvelda sér vinnuna við að leysa krossgátur. Hugi Þórðarson heitir sá sem þennan vef smíðaði og er hann á þessarri vefslóð: http://smu.is/scrabble/ Þarna getur fólk valið lengd orðs sem það er að glíma við og þá stafi sem þegar eru komnir og fengið uppgefin þau orð sem við passa. Vonandi getur þessi vefur nýst einhverjum og orðið öðrum til skemmtunar.

Eldri vefur er líka til sem
Hjalmar Gislason smíðaði en hann byggir þó á eldri orðagrunni en vefur Huga, sá vefur er hér.
.................................................................................................................

350+ ókeypis krossgátur

Það eru um 350+ ókeypis krossgátur með lausnum þeirra á þessum vef og ekki í boði annarstaðar jafnmargar endurgjaldslausar krossgátur á íslensku okkur vitandi.  Við höldum stöðugt áfram að bæta í þennan sarp og vonum að fólki líki það jafn vel og hingað til.

Þótt allar þessar krossgátur séu endurgjaldslausar og hægt að hlaða þeim niður og prenta út, er fólk þó beðið um að virða þann höfundarrétt að aðeins nota þær til persónulegra nota en ekki í hagnaðarskyni.

Allar ábendingar og athugasemdir sendist með tengli á botni síðunnar sem á stendur „hafa samband“.



CC BY-NC-ND 3.0 höfundarleyfi
„Attribution-NonCommercial-NoDerivatives“